ಹ್ಯಾರಿ ಪಾಟರ್ ಕಥೆ ಈಗ ಅಂತಿಮ ಘಟ್ಟಕ್ಕೆ ಬಂದು ನಿಂತಿದೆ. ಸರಿ ಸುಮಾರು ೬ ಚಿತ್ರಗಳು ಹ್ಯಾರಿ ಪಾಟರ್ ಸರಣಿ ಕಥೆ ಮೇಲೆ ಬಂದು ಹೋಗಿವೆ. ಎಲ್ಲರಿಗೂ ಗೊತ್ತಿರುವಂತೆ ಪುಟ್ಟ ಹ್ಯಾರಿ ಪ್ರತಿ ಮಕ್ಕಳ ಮನಸ್ಸಿನಲ್ಲಿ ಜಾಗ ಮಾಡಿಕೊಂಡಿದ್ದಾನೆ. ತನ್ನ ಕಥೆ ಬೆಳೆದಂತೆ ತೆರೆ ಮೇಲಿನ ಡ್ಯಾನಿಯಲ್ ರಾಡ್ ಕ್ಲಿಪ್ ಸಹ ಬೆಳಯುತ್ತಲೇ ಬಂದಿದ್ದಾನೆ. ಅದೇ ರೀತಿನೇ ಸದ್ಯ ಕಥೆ ಅಂತ್ಯ ಕಾಣುತ್ತಿದೆ...ಚಿತ್ರದ ಈ ಭಾಗದಲ್ಲಿ ಹ್ಯಾರಿ ಪಾಟರ್ ದೊಡ್ಡವನಾಗಿದ್ದಾನೆ. ಮಹಾ ಬಲಶಾಲಿಯೂ ಹೌದು. ಆದ್ರೆ, ದುರಂತವೆಂದರೆ ಹ್ಯಾರಿಗೆ ಮ್ಯಾಜಿಕ್ ಕಲಿಸಿಕೊಟ್ಟ ಗುರು ಸತ್ತು ಹೋಗಿದ್ದಾನೆ. ಹ್ಯಾರಿ ಪಾಟರ್ ನ ಶಕ್ತಿ ಕಸಿದುಕೊಳ್ಳಲು ಬರುತ್ತಲೇ ಇದ್ದ ಆ ಎಲ್ಲ ವಿಲನ್ ಗಳಿಗೆ ಒಂಚೂರು ಶಕ್ತಿ ಜಾಸ್ತಿಯಾಗಿದೆ. ಮುಪ್ಪು ಕೂಡ ಆವರಿಸಿಕೊಂಡಿದೆ. ಆದ್ರೂ, ಶಕ್ತಿಮೀರಿ ಯುವ ಹ್ಯಾರಿಯನ್ನ ಹೊಸೆದು ಹಾಕುವ ಪ್ಲಾನ್ ಹಾಕಿಕೊಂಡಿದ್ದಾರೆ. ...
ಆದ್ರೆ, ಹ್ಯಾರಿ ಈ ಕಥೆಯ ಅಂತ್ಯ ದೊಡ್ಡದಾಗಿಯೇ ಇದೆ. ಕೇವಲ ಒಂದೇ ಒಂದು ಭಾಗದಲ್ಲಿ ಅಂತ್ಯದ ಕಥೆ ಮುಗಿತಾಯಿಲ್ಲ. ಬರೊಬ್ಬರಿ ಎರಡು ಭಾಗದಲ್ಲಿ ಚಿತ್ರ ಬರುತ್ತಿದೆ. " ಹ್ಯಾರಿ ಪಾಟರ್ ಅಂಡ್ ಡೆತ್ಲಿ ಹೆಲ್ಲೊನ್"ನ ಭಾಗವೊಂದು ಇದೇ ಬರುವ ನವೆಂಬರ್ ೧೯ ಕ್ಕೆ ತೆರೆಗೆ ಬರಲಿದೆ. ಆದ್ರೆ, ಹ್ಯಾರಿ ಕಥೆಗೆ ಶಾಶ್ವತ ಅಂತ್ಯ ಹೇಳುವ ಸಿನೆಮಾ ೨೦೧೧ ಕ್ಕೆ ರಿಲೀಜ್ ಆಗಲಿದೆ.
ಹ್ಯಾರಿ ಪಾತ್ರಕ್ಕೆ ಜೀವ ತುಂಬಿದ ಅದೇ ನಟರೇ ಇಲ್ಲೂ ಮುಂದುವರೆದಿದ್ದಾರೆ. ಡ್ಯಾನಿಯಲ್ ರಾಡ್ ಕ್ಲಿಫ್ ಯುವ ಹ್ಯಾರಿಯಾಗಿ ಕಾಣಿಸಿಕೊಳ್ತಾಯಿದ್ದಾರೆ. ಎಮ್ಮಾ ವಾಟ್ಸನ್ ಹ್ಯಾರಿಯ ಗೆಳತಿಯಾಗಿ ಇದ್ದಾಳೆ. ಇವರಿಬ್ಬರ ಸ್ನೇಹಿತನ ಪಾತ್ರಧಾರಿ ರುಪರ್ ಗ್ರಿಂಟ್ ಎಂದಿನಂತೆ ಟು ಬಿ ಕಂಟಿನ್ಯೂಡ್ ಆಗಿದ್ದಾನೆ. ಸ್ಟೀವ್ ಕ್ಲೂಸ್ ಚಿತ್ರಕಥೆ ಇಲ್ಲೂ ಇದೆ. ಆದ್ರೆ, ನಿದೇಶನವನ್ನ ಈ ಕೊನೆಯ ಚಿತ್ರಕ್ಕೆ
ಡೆವಿಡ್ ಯಟ್ ಮಾಡಿದ್ದಾರೆ.
ಎರಡೂ ಚಿತ್ರಗಳು 3ಡಿ ಮತ್ತು 2ಡಿ ಯಲ್ಲಿ ಬರುತ್ತಿವೆ. ವಿಶೇಷವೆಂದ್ರೆ, ಈ ಚಿತ್ರಗಳ ಹೊರತಾಗಿ ಈ ಹಿಂದಿ ಸರಣಿ ಚಿತ್ರಗಳು 3ಡಿ ಬಂದಿರಲಿಲ್ಲ. ಇದು ಒಂದು ಹೊಸ ರೀತಿಯ ಪರಿಣಾಮ ಬೀರಲು ಹೊಸ ಎಫೆಕ್ಟ್ ನಲ್ಲಿ ಬಿಡುಗಡೆಯಾಗುತ್ತಿದೆ. ಹಾಗಾಗಿ ಹ್ಯಾರಿ ಪ್ರೇಮಿಗಳಿಗೆ ಯುವ ಹ್ಯಾರಿ ಹೊಸ ಅನುಭವ ನೀಡಲಿದ್ದಾನೆ ಅಂತಲೇ ಹೇಳಬಹುದು..
- ರೇವನ್ ಪಿ.ಜೇವೂರ್
