ಪಂಚರಂಗಿ ರಂಗು ರಂಗಾಗುತ್ತಿದೆ. ಚಿತ್ರದ ಕಥೆಯಲ್ಲಿ ಏನೂ ಇಲ್ಲ. ಆದ್ರೂ ಜನ ಚಿತ್ರ ಮಂದಿರದ ಕಡೆ ಓಡುತ್ತಿದ್ದಾರೆ. ಕಾರಣವೇನು. ಇದಂತು ಯಾರಿಗೂ ಗೊತ್ತಿಲ್ಲ. ಸಿಕ್ಕಾಪಟ್ಟೆ ಖಾರವಾಗಿ ವಿಮರ್ಶೆ ಮಾಡಿದ ಚಿತ್ರ ವಿಮರ್ಶಕರಿಗೂ "ಪಂಚರಂಗಿ" ಓಟದ ಗುಟ್ಟು ತಿಳಿದಂತಿಲ್ಲ. ವಿಮರ್ಶಗಳನ್ನ ನೋಡಿ ಚಿತ್ರ ನೋಡು ಮಂದಿ ಜಾಸ್ತಿ. ಇಲ್ಲಿ ವಿಮರ್ಶಗಳನ್ನು ಲೆಕ್ಕಿಸದೇನೆ ಚಿತ್ರ ನೋಡಲು ಜನ ಬರುತ್ತಿದ್ದಾರೆ. ಲೈಫು ಇಷ್ಟೇನೆ ಅನ್ನೋ ಭಟ್ಟರ ತತ್ವಗಳನ್ನ ಕೇಳಿ..ಕೇಳಿ ಬಿದ್ದು...ಬಿದ್ದು ನಗ್ತಾಯಿದ್ದಾರೆ...ಆದರೆ, ಇಲ್ಲಿ ನಿಧಿ ರಂಗು ಹೆಚ್ಚಿದೆ. ನಟನೆಯಲ್ಲಿ ಪಕ್ವತೆ ಬಂದಿದೆ. ಆಫ್ ಸ್ಕ್ರೀನಲ್ಲಿ ಇರೋ ಥರವೇ ಆನ್ ಸ್ಕ್ರಿನಲ್ಲು ನಿಧಿ ನಗಿಸುತ್ತಾರೆ. ಅಳಿಸುತ್ತಾರೆ. ಸುಮ್ಮನಿದ್ದರೆ ಆಗಾಗ ಕಚಗುಳಿ ಇಡ್ತಾರೆ. ಅಷ್ಟೊಂದು ಚಂದದ ಅಭಿನಯವನ್ನ ಭಟ್ಟರು ನಿಧಿಯಿಂದ ತೆಗೆದಿದ್ದಾರೆ.
ಇದನ್ನ ನೋಡಿ ಬಹುತೇಕರಿಗೆ ನಿಧಿ ಮೇಲೆ ಭರವಸೆ ಬಂದಿದೆ. ಅಷ್ಟೇ ಪ್ರೀತಿನೂ ಬಂದಿದೆ. ಹಾಗಾಗಿ, ಕಾಲ್ ಮಾಡಿ "ನಿಧಿ ನಿನ್ನ ಅಭಿನಯ ಸೂಪರ್" ಅಂತ ಎಲ್ಲರೂ ಹೇಳ್ತಿದ್ದಾರೆ..
ಇದೇನೋ ಸಾಮಾನ್ಯ ಪ್ರೇಕ್ಷಕರ ಪ್ರತಿಕ್ರಿಯೆ. ಚಿತ್ರದಲ್ಲಿ ಪಾತ್ರ ನಿರ್ವಹಿಸಿದ ಅನಂತ್ ನಾಗ್ ಗೆ ನಿಧಿ ಅಭಿನಯ ಇಷ್ಟವಾಗಿದೆ. ಚಿತ್ರ ನೋಡಿದ ಮರುದಿನವೇ ಪ್ರೆಸ್ ಮೀಟ್ ನಲ್ಲಿ ನಿಧಿಯನ್ನ ಅನಂತ್ ತುಂಬಾನೆ ಹೊಗಳಿದರು. ಬರೊಬ್ಬರಿ ೧೫ ನಿಮಿಷ ನಿಧಿ ಅಭಿನಯದ ಬಗ್ಗೆ ಮಾತನಾಡಿದ್ದಾರೆ. ಮೆಚ್ಚುಗೆ ವ್ಯಕ್ತಪಡಿಸಿ, ಪುಟ್ಟ ಮಗಳಂತೆ ಅಪ್ಪಿ-ತಬ್ಬಿ ಮುದ್ದಿನಿಂದ ಸಂತಸ ಹೇಳಿಕೊಂಡ್ರು..
ಚಿತ್ರದಲ್ಲಿ ನಿಧಿ 'ಅಂಬಿಕಾ' ಅನ್ನೊ ಪಾತ್ರದಲ್ಲಿದ್ದಾರೆ. ಅಮ್ಮ ಇಲ್ಲ. ಅಪ್ಪ ಇಲ್ಲ. ಚಿಕ್ಕಪ್ಪ,ಚಿಕ್ಕಮ್ಮನ ಮನೆಯಲ್ಲಿಯೆ ಈಕೆಯ ವಾಸ. ಚಿಕ್ಕುಸ್ ಅಂತ ತರ್ಲೆ ಮಾಡ್ತ ಓಡಾಡುವ ಮಗಳು ಇವಳು. ತುಂಟಾಟ, ಮಂಗನಾಟ, ರಮ್ಯ ಬಾರ್ನಾ ಜೊತೆಗೆ ಕಿತ್ತಾಟ. ಇವುಗಳನ್ನ ಮಾಡ್ತಾನೆ ಇರುವ ಅಂಬಿಕೆ ಇವಳು. ಮನೆಯಲ್ಲಿ ಒಬ್ಬಳು ನೆಚ್ಚಿನ ಮಗಳು ಇದ್ದರೆ ಹೇಗಿರುತ್ತಾಳೋ. ಹಾಗೆ ನಿಧಿ ಪಂಚರಂಗಿಯಲ್ಲಿ ಫೀಲ್ ಆಗ್ತಾಳೆ.
ಅಂಬಿಕಾಳ ಪ್ರೀತಿಯ ನಿವೇದನೆ ಇಲ್ಲಿ ಇನ್ನು ಚೆಂದ. ಮನಸ್ಸಿನಲ್ಲಿಯ ಮಾತುಗಳನ್ನ ಹಂಗಂಗೇ ಹೇಳಿಬಿಡುವ ಹುಡುಗಿ ಈಕೆ. ನಿಧಿಯ ಗೆಟಪ್ ಕೂಡ ಮುದ್ದು..ಮುದ್ದಾಗಿದೆ. ಆ ಕಾರಣಕ್ಕೂ ನಿಧಿ ಇಷ್ಟವಾಗ್ತಾಳೇ ಅಂತ ಹೇಳಬಹುದು. ಪಂಚರಂಗಿಯಲ್ಲಿ ನಿಧಿ ರಂಗು ನಿಜಕ್ಕೂ ಇಷ್ಟವಾಗ್ತದೆ. ನೀವೊಮ್ಮೆ ನೋಡಿ..
-ರೇವನ್ ಪಿ.ಜೇವೂರ್
No comments:
Post a Comment